Британия Хитой билан муносабатларни нормаллаштирмоқчи, бироқ Пекин бу жараёнда асосий рол ўйнаши керак, деди Британия ташқи ишлар вазири Жеймс Клеверли Channel News Asia телеканалига берган интервьюсида.
«Мен, албатта, мамлакатларнинг соғлом ҳамкорлигини кўришни хоҳлайман. Лекин бизда ҳали бундай эмас, танлов эса Хитойда қолган», — деди у.
Вазирнинг аниқлик киритишича, Хитойнинг Лондон билан муносабатлари Пекиннинг Бирлашган Миллатлар Ташкилоти ва Жаҳон савдо ташкилоти томонидан қабул қилинган глобал қоидаларга қанчалик риоя қилишига боғлиқ бўлади.
Шунингдек, Клеверли Пекиннинг бир қатор ҳаракатларидан хавотир билдирди. Хусусан, унинг фикрича, Хитой кибермаконда бузғунчи фаолият билан шуғулланмоқда ва Гонконг халқи олдидаги мажбуриятларини бажармаяпти.
Изоҳ (0)