26 сентябрь куни ҳам россияликларнинг мамлакатдан оммавий чиқиб кетиши давом этди — Грузия ва Қозоғистон билан чегарада кўп километрлик навбатлар пайдо бўлди. Шу билан бирга, кетиш қийинлашди: аэропортлардаги чегарачиларга хизматга чақирув қоғозини олган одамларнинг рўйхати берилди. Бундай фуқароларнинг чегарани кесиб ўтиши учун ҳарбий комиссариатдан маълумотнома талаб қилинмоқдаа. Украинада Россия ҳарбийлари Краматорск ва Кривой Рог аэропортини ўққа тутди. Москвада хавфсизлик кучлари ҳибсга олинган шоир ва фаол Артём Камардинни калтаклаган — у Триумфалная майдонидаги Майаковский ҳайкали ёнида «антимобилизация» шеърларини ўқигани учун ҳибсга олинган эди. Meduza урушнинг 215-кунидан асосий кадрларни тақдим этди.
Харьков вилояти
Украиналик ҳарбийлар Харьков вилояти Дементевка қишлоғидаги Украина Қуролли кучларининг собиқ позициялари яқинида аскар ва тинч аҳоли жасадларини қидирмоқда. Ушбу аҳоли пунктида шиддатли жанглар бўлиб ўтган: унинг яқинига ўрнатилган оғир артиллериядан Харьков марказига ўт очса бўларди. Украина армияси ниҳоят июль ойида Дементевкани озод қилди.Фото: EPA
Козачя Лопан қишлоғидаги вайрон бўлган паррандачилик фермаси томида танк қисмлари осилиб ётибди. Украина армияси сентябрь ойида аҳоли пунктини озод қилганди, шундан сўнг у ерда рус ҳарбийлари томонидан жиҳозланган бир нечта вақтинчалик қамоқхоналар ва қийноқ камералари, шунингдек, оммавий қабр топилди.Фото: AFP
Краматорскдаги гуманитар ёрдам тарқатиш пунктида одамлар озиқ-овқат учун навбатга турибди. Россия уруш бошиданоқ Краматорскни олишга ҳаракат қилган, охирги фаол ҳужум ёзда амалга оширилган. Аммо шаҳар ҳалиям Украина кучлари назорати остида.Фото: AP Photo
Краматорскдаги беш қаватли бино 26 сентябрь куни Россиянинг ўққа тутиши оқибатида шикастланди. Украина расмийларига кўра, тўрт киши жароҳатланган.Фото: AP Photo
Краматорскдаги уйнинг подъездида аёл Россия ҳужумидан кейинги синиқларни супуриб олмоқда.Фото: AP Photo
Изоҳ (0)