Россиянинг Калининград шаҳрида оғир тан жароҳати олган Ўзбекистон фуқароси ватанга қайтарилди. Бу ҳақда Ташқи меҳнат миграцияси агентлиги хабар берди.
Қайд этилишича, фуқаро Д.А. Россияга 2019 йилнинг ноябрь ойида ишлаш учун бориб, Калининград шаҳрида қонуний равишда фаолият юритган. Аммо 2022 йил июль ойида иш вақтида эҳтиётсизлиги сабабли бахтсиз ҳодисага учраб, оғир тан жароҳати олган.
Оқибатда умуртқа суяги синган. Орттирилган жароҳати туфайли фуқаро меҳнатга лаёқатсиз бўлиб қолган. Шундан сўнг Ташқи меҳнат миграцияси агентлигининг Санкт-Петербург шаҳридаги вакиллиги ҳамда Бош консулхонага ватанга қайтишда ёрдам сўраб мурожаат қилган.
Фуқаронинг мурожаати ўрганилди ва Хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси маблағлари ҳисобидан авиачипта олиб берилди, «Uzbekistan Airways» компанияси ҳамкорлигида Калининград–Москва–Тошкент йўналишидаги авиарейс орқали ортга қайтарилди.
Мавзуга доир:
Изоҳ (0)