Шавкат Мирзиёев қарори билан «Ўзбекчорванасл» агентлиги директори Бахтиёр Отамурадов эгаллаб турган лавозимидан озод этилди. Бу ҳақда президент матбуот котиби хабар берди.
Таъкидланишича, Наманган вилоятига хизмат сафари пайтида меҳмонхонада содир этган номақбул хатти-ҳаракатлари ва фаолиятидаги бошқа камчиликлари учун ушбу ўзгариш амалга оширилган.
Маълумот учун, Отамуродов Наманганда меҳмонхона ходимларини ҳақоратлаб, уларга буюм улоқтираётгани акс этган видеолар тарқалган эди.
Бахтиёр Отамурадов «Ўзбекчорванасл» агентлиги бош директори лавозимига 2020 йил 7 ноябрда тайинланганди. Шунингдек, у бир вақтнинг ўзида Ветеринария ва чорвачиликни ривожлантириш давлат қўмитаси раисининг ўринбосари бўлган. Бунга қадар Отамурадов «Халқ банки» бошқаруви раисининг ўринбосари лавозимида фаолият юритиб келган.
Изоҳ (0)