Россияда қийин аҳволда қолган ўзбекистонлик аёл ватанга қайтарилди
Россиянинг Санкт-Петербург шаҳрида мушкул аҳволда қолган фуқаро Ўзбекистонга қайтарилди. Бу ҳақда Ташқи меҳнат миграцияси агентлиги хабар берди.
Қайд этилишича, 15 сентябрь куни агентликнинг Санкт-Петербург шаҳридаги вакиллиги ҳамда Бош консулхонага Н.К. томонидан унинг оғир вазиятда қолгани сабабли ватанга қайтаришда амалий ёрдам сўраб мурожаати келиб тушган.
Фуқаронинг мурожаати вакиллик томонидан ўрганиб чиқилди ва унинг оғир аҳволда экани аниқланди. Шундан сўнг фуқарога Хорижда меҳнат фаолиятини амалга оширувчи фуқароларни қўллаб-қувватлаш ҳамда уларнинг ҳуқуқ ва манфаатларини ҳимоя қилиш жамғармаси маблағлари ҳисобидан авиачипта олиб берилди ва Uzbekistan Airways компанияси ҳамкорлигида Санкт-Петербург–Урганч йўналишидаги авиарейс орқали Ўзбекистонга қайтарилди.
Мавзуга доир:
- Россияда танасининг ярми куйган Ўзбекистон фуқароси ватанга қайтарилди
- Россияда уйсиз қолиб кетган ўзбекистонлик фуқаро оиласи билан ватанга қайтарилди
