Россиянинг «Ямал» авиакомпанияси самолёти Урганч аэропортига илк парвозини амалга оширди, деб хабар бермоқда Uzbekistan Airports матбуот хизмати.
Қайд этилишича, 22 сентябрь куни маҳаллий вақт билан соат 23:10 да ушбу авиакомпанияга тегишли Airbus А321 самолёти Урганч халқаро аэропортига келиб қўнди. Самолёт Москва—Урганч—Москва йўналиши бўйича 208 нафар йўловчини олиб келди. Анъанага кўра, самолёт сув аркаси билан тантанали равишда кутиб олинди.
Москвадан Урганчга мунтазам қатновлар ҳафтасига икки марта — пайшанба ва якшанба кунлари амалга оширилиши режалаштирилган.
Бундан аввал «Ямал» авиакомпанияси Наманган ва Самарқандни Москва билан тўғридан-тўғри рейслар орқали боғлаган эди.
Изоҳ (0)