Бугун,

  • USD 11014.01
  • RUB 191.8
  • EUR 10674.78

Қорақалпоғистонда хизмат кўрсатган артист Жаноб Расул «Дарё» нашрининг YouTube’даги каналига берган интервьюсида тўй хизматларидан қанча пул топиши ва дабдабали уйи ҳақида сўзлаб берди.

— Кўпчилик мени қиммат хонанда деб билади. Аммо мен бундай деб ўйламайман. Юлдуз Усмонова ва Муниса Ризаевалар мендан ҳам қимматга хизматларга боришади. Тўйдаги гонорарим қанча эканлигини эса очиқ айтолмайман. Бунинг сабаби хизмат нархлари вилоятнинг узоқ-яқинлиги билан ҳам боғлиқ. Хориж машинасида юраман. У анча кўп бензин ейди. Тўйда фонограммадан фойдаланмайман. Шунинг учун ёнимда бир нечта йигитлар бўлади. Агар ҳозир хизмат ҳаққини айтсам, эртага муаммо юзага келиши мумкин. Аммо яқинда Тожикистонга бир соатлик хизматга бордим. Бунинг учун 15 минг АҚШ доллари олдим. Бу шу кунгача битта тўйдан олган энг кўп хизмат ҳаққим бўлди, — дейди хонанда Жаноб Расул.

Бундан ташқари, хонанда уй-жойи ҳақидаги маълумотларни яширмаслиги, 30 сотих майдонга қурган 4 қаватлик уйи ҳақида ҳам айтиб ўтди.

— Уй-жойим, машинам ҳақидаги маълумотларни ҳеч қачон яширмайман. Чунки буларни фақат халқнинг олдидан қўлга киритдим ва ўғирлик қилганим, бировнинг ҳаққига хиёнат қилганим йўқ.

Беруний туманида 30 сотихли майдонга 4 қаватли уй қурганман. Бу уйнинг режасини бундан 12 йил аввал чизгандим. Ишонасизми, ўшанда битта велосипедим ҳам бўлмаган. Яхши ният қилиб, катта уй қуришни режалаштиргандим. Ҳозирча уйнинг пастки қавати битди. Ҳали яна учта қаватининг таъмирлаш ишлари бор. Уйга лифт ҳам ўрнатдик. Ҳовлида кичик иссиқхона ва ферма ҳам бор. Болалигимдан шундай нарсаларга қизиқаман.

Насиб қилса, кексайганда набираларнинг шовқинидан қочиб, аёлим билан ўша иссиқхонада суҳбатлашиб ўтирамиз. Ҳали битмаган уйимга ҳозирча 400 минг АҚШ доллари сарфладик. Менда ҳаммаси ҳисоб-китобли, қаердан қанча пул олганимни ва қанча сарфлаганимни ҳисоблаб, архив қилиб қўяман. Агар топганимни ҳисоб-китоб қилсам, аслида тўрт қаватли уй эмас, аэропорт қуришим керак эди. Аммо ёнимдаги йигитларнинг улуши ва ижоднинг ҳам ўзига яраша катта харажати бор, — дейди хонанда Жаноб Расул.

Мавзуга доир:

Изоҳ
Асосий янгиликлар