Навальнийнинг шериклари Владимир Путиннинг матбуот котиби ўғлига ҳарбий комиссар номидан қўнғироқ қилиб, уни эртаси куни соат 10:00 да ҳарбий хизматга қабул қилиш бўлимига кўрикдан ўтиш учун таклиф қилгани, аммо кичик Песков буни рад этгани ҳақида хабар берилган эди. Дмитрий Песков ушбу ҳолат юзасидан изоҳ берди.
Песковнинг айтишича, у Навальнийнинг шериклари ўғлига ҳарбий рўйхатга олиш бўлими ходимлари номидан қўнғироқ қилганидан хабардор.
«Мен бу жамоанинг материалларига эътибор қаратганим йўқ, бу биринчиси. Иккинчидан, мен бу ҳақда биламан, лекин улар суҳбатнинг тўлиқ матнини тармоққа жойлаштирмаганини ҳам биламан», — дейди Песков. Ундан суҳбатнинг тўлиқ мазмунини билиш-билмаслиги ҳақида сўралганда Песков бу ҳақда ўғлидан билиб олганини билдирди.
Маълумот учун, бир кун олдинги суҳбатда кичик Песков бу масалани бошқа даражада ҳал қилишини айтган эди.
«Агар сиз менинг жаноб Песков эканимни билсангиз, у ерда бўлишим тўғри эмаслигини тушунишингиз керак. Мен нима содир бўлаётганини ва қандай ҳуқуқларга эга эканимни тушунишим керак. Эртага мени ҳарбий хизматга олиб кетиш, ишонинг, сизга ҳам, менга ҳам керак эмас. Мен ўз ватанимни ҳимоя қиламан, лекин у ерга боришимнинг мақсадга мувофиқ эканини аниқлаб олишим керак. Мен сизга баъзи сиёсий нюанслар ҳақида гапиряпман», — деб жавоб берган Николай «ҳарбий комиссар»га.
Мавзуга доир:
- Украина россиялик ҳарбийларни таслим бўлишга чақирди ва улар «ўз хоҳишисиз» Россия Федерациясига қайтарилмаслигига ваъда берди
- «Сизнинг раҳбариятингиз мамлакатни тубсизликка етакламоқда» — собиқ рус журналисти Путин сиёсатини танқид қилди
- «У ўз аскарларини қонга ботирмоқчи» — Зеленский Путиннинг қисман сафарбарлик борасидаги қарорига изоҳ берди
Изоҳ (0)