Андижон вилояти Хонобод шаҳрида қўшмачилик қилиб, фуқаролардан 300 минг сўм олган шахс ушланди. Бу ҳақда Ички ишлар вазирлиги ахборот хизмати хабар берди.
Маълум бўлишича, 13 сентябрь куни ИИБ ходимлари томонидан тезкор тадбир ўтказилган. Натижада Хўжаобод туманида яшовчи фуқаро Е.Х. 300 минг сўм миқдоридаги пул эвазига Хонобод шаҳри «Хонтоғ» маҳалласи адирликларида жойлашган дам олиш масканида ўзига нотаниш бўлган эркак ва аёлнинг жинсий алоқа қилиб дам олиши учун шароит яратиб бергани аниқланди. Ундан 300 минг сўм миқдоридаги пуллар далилий ашё сифатида олинди.
Мазкур ҳолат юзасидан Хонобод шаҳри ИИБ ҳузуридаги тергов гуруҳи томонидан Жиноят кодексининг 131-моддаси (қўшмачилик қилиш ёки фоҳишахона сақлаш) 2-қисмига асосан жиноят иши қўзғатилиб, тергов ҳаракатлари олиб борилмоқда.
Изоҳ (0)