Хитой Халқ Республикаси Раиси Си Цзиньпин «Дўстлик» ордени билан мукофотланди

Хитой Халқ Республикаси Раиси Си Цзиньпин Ўзбекистон Республикасининг олий даражали «Дўстлик» ордени билан мукофотланди.

Бу ҳақдаги фармон Шавкат Мирзиёев томонидан имзоланган.

Фармонга кўра, Ўзбекистон ва Хитой ўртасидаги азалий дўстлик ва ҳар томонлама стратегик шерикликни мустаҳкамлашга қўшган улкан ҳиссаси, шунингдек, ШҲТ доирасида кўп томонлама мулоқотни чуқурлаштириш ҳамда стратегик минтақавий лойиҳаларни жорий этишда иштироки ва амалий кўмаги учун Хитой Халқ Республикаси Раиси мукофотланган.

Мукофотни Ўзбекистон президенти Шавкат Мирзиёев топширди.