Путин Шавкат Мирзиёевни Невский ордени билан тақдирлади (фото)

Шавкат Мирзиёевни мамлакатлар ўртасидаги дўстлик ва ҳамкорликни мустаҳкамлашдаги катта хизматлари учун Россиянинг Александр Невский ордени билан тақдирлаш маросими бўлди. Бу ҳақда президент матбуот хизмати хабар берди.

Давлат раҳбарини ушбу орден билан мукофотлаш тўғрисидаги фармон июль ойида қабул қилинган эди.

Президент мукофотни қабул қилар экан, уни, биринчи навбатда, бутун Ўзбекистон халқининг ўзаро дўстлик ва ҳамкорликни мустаҳкамлашга қўшган ҳиссасининг эътирофи деб билишини таъкидлади.

Қайд этиш жоизки, Александр Невский ордени билан Россия билан кўп томонлама ҳамкорликни ривожлантириш ва унинг ижтимоий-иқтисодий тараққиётига кўмаклашишда хизмат кўрсатган атоқли хорижий сиёсат ва жамоат арбоблари мукофотланади.