Озарбайжон президенти Илҳом Алиев 15 сентябрь куни Шанхай ҳамкорлик ташкилоти Давлат раҳбарлари кенгаши мажлисида меҳмон сифатида иштирок этиш учун Самарқанд шаҳрига етиб келди.
Халқаро аэропортда олий мартабали меҳмонни Ўзбекистон бош вазири Абдулла Арипов ва бошқа расмий шахслар кутиб олди. Сўнг Илҳом Алиев Ҳазрати Хизр мажмуасига келиб, Биринчи Президент Ислом Каримов қабрига гул қўйди ва хотирасига ҳурмат бажо келтирди.
Фото: Президент матбуот хизмати
Бундан аввал Тожикистон президенти Эмомали Раҳмон, Туркманистон президенти Сердар Бердимуҳаммедов, Россия президенти Владимир Путин, Покистон бош вазири Шаҳбоз Шариф кутиб олинганди.
14 сентябрь куни Мўғулистон президенти Ухнаагийн Хурелсух, Эрон Ислом Республикаси президенти Сайид Иброҳим Раисий, Қирғизистон президенти Садир Жапаров, Хитой раиси Си Цзиньпин ташриф буюрганди.
Изоҳ (0)