«Тошкент метрополитени» давлат унитар корхонаси 1 августдан 31 августга қадар метрополитендан фойдаланган йўловчилар тўғрисида маълумот берди.
Қайд этилишича, бир ойда метродан умумий ҳисобда 8 миллион 824 минг 145 нафар йўловчи фойдаланган.
Энг кўп фойдаланилган йўналиш — «Чилонзор» йўли. Бу йўналишдан қолган 3 тасини («Ўзбекистон», «Юнусобод», «Ер усти ҳалқа йўли») қўшиб ҳисоблагандан ҳам кўп одам фойдаланган — 5 миллион 112 минг 174 нафар.
Тошкент метрополитенидан фойдаланиш йўналишлар кесимида:
- «Чилонзор» йўналиши — 5 112 174;
- «Ўзбекистон» йўналиши — 2 213 705;
- «Юнусобод» йўналиши — 954 958;
- «Ер усти ҳалқа йўли» йўналиши — 543 308.
Изоҳ (0)