Ўзбекистон Президенти ҳузуридаги Стратегик ва минтақалараро тадқиқотлар институти директори Элдор Арипов давлат раҳбарининг ШҲТ саммити ҳақидаги мақоласига муносабат билдирди.
Унинг фикрича, Афғонистон яна ўз муаммолари билан ёлғиз қолмаслиги керак.
«Ўзбекистон Президентининг қўшни давлатларга Афғонистонга ёрдам қўлини чўзишга чақируви мутлақо долзарб ва талабга эга. Бу мамлакат яна ўз муаммолари билан ёлғиз қолмаслиги керак.
Термиз—Мозори Шариф—Кобул—Пешовар темир йўли лойиҳасини амалга ошириш Афғонистонда тинчлик ўрнатилиши учун энг муҳим ҳисса бўлади. Ушбу лойиҳа Афғонистоннинг ижтимоий-иқтисодий ривожланишига кучли туртки беришга қодир, жумладан, янги иш ўринларини яратиш, савдони кенгайтириш, инфратузилма қуриш.
Яъни тинч, маиший ҳаёт кечириш учун барча зарур шароитлар шаклланади. Охир оқибат, савдо қилиш ҳар доим жанг қилишдан кўра фойдалироқдир», – дея қайд этди Элдор Арипов.
Изоҳ (0)