Голливуд юлдузи Николас Кейж ва унинг рафиқаси Рико Шибата фарзандли бўлди. Жуфтликнинг оиласида қиз фарзанд дунёга келди, чақалоққа Франческо деб исм қўйилди, деб хабар берди Peopletalk нашри.
2022 йилнинг бошида Николас Кейж ўз мухлисларига хушхабар айтганди, яъни у рафиқаси Рико Шибатанинг фарзанд кутаётганини маълум қилган эди. Николас ва Рико илк бор 2020 йилда бирга кўриниш берган эди. Орадан бир йил ўтгач, актёр FaceTime орқали севгилисига турмуш қуришни таклиф қилди ва почта орқали қора бриллиант узук юборди. Бир ой ўтгач, жуфтлик Лас-Вегасдаги Wйнн казиносида тўйларини ўтказди. Бу Николас Кейжнинг бешинчи турмуши ҳисобланади. У 1995 йилдан 2001 йилгача Патрисия Аркетт, 2002 йилдан 2004 йилгача Лиза Мари Пресли, 2004 йилдан 2016 йилгача Элис Ким ва 2019 йилда тўрт кундан камроқ муддатга Эрика Коике билан турмуш қурган.
Николас Кейжнинг олдинги никоҳларидан икки фарзанди: ўғиллари Кал-Эл ва Уэстон бор.
Маълумот учун, Николас Кейж 1967 йилнинг 7 январь санасида АҚШнинг Калифорния штатида туғилган. Актёр кино оламидаги фаолияти давомида «Оскар» ва «Олтин глобус» мукофотларига сазовор бўлган. Унинг иштирокидаги «Ўғирланган», «Аломат», «Ғазаб», «Крейсер» фильмлари дунё бўйлаб миллионлаб мухлисларнинг қалбидан жой олган.
Мавзуга доир:
- Элизабет Тэйлор, Николас Кейж ва кўп марта турмуш қурган Голливуд юлдузлари (фото).
- Таниқли актёр Николас Кейж 57 ёшида бешинчи маротаба оила қурди (фото).
- Гал Гадот, Скарлетт Йоханссон, Николас Кейж ва киноларда ташқи кўриниши компьютер ёрдамида ўзгартирилган бошқа юлдузлар (фото).
- Николас Кейж илк марта сериалда суратга тушади. У ҳайвонлар ҳимоячиси ўлимини буюртма қилган ҳайвонот боғи эгасини гавдалантиради.
Изоҳ (0)