Сочлар қуриб, тўкилмаслиги учун уларга тўғри ғамхўрлик қилиш керак. Шундагина уларга ташқи омиллар таъсир ўтказмайди ва ажойиб кўринишини йўқотмайди.
Гуллаган учларини кесиб олиш
Учлари гуллаган сочлар ҳар қандай турмакка путур етказади. Бўялган сочлар табиий сочларга қараганда тезроқ гуллайди, шунинг учун уларни кузатиб бориш ва муаммони вақтида ҳал қилиш лозим. Соч кесиш оралиғида уларнинг умрини узайтириш учун учларига махсус маҳсулотларни қўллаш тавсия этилади.
Мос келган воситалардан фойдаланиш
Бўялган сочларни ҳажм берувчи шампунь билан ювмаслик лозим. Мутахассислар бўялган сочлар учун алоҳида маҳсулот ишлаб чиққани бежиз эмас. Буни эътиборсиз қолдирмаслик лозим.
Иссиқ турмаклашдан воз кечиш
Бўялган сочлар иссиқликдан икки баравар кўпроқ азобланади, шунинг учун уларни салқин ҳаво оқимида қуритиш керак. Дазмол, конус каби иссиқ чиқарувчи воситалардан фойдаланмаслик лозим. Ҳеч бўлмаганда, иссиқликдан ҳимоя қилувчи спрейлар ҳақида унутмаслик жуда муҳим.
Сочни ювишдан олдин кондиционер қўллаш
Бу билан юмшатувчи ва осон тараш эффектига эга бўлиш, шунингдек, сочларни оқава сувдаги микробларнинг салбий таъсиридан ҳимоя қилиш мумкин.
Камроқ бўяш
Энг яхши вариант сочни ҳар 5-6 ҳафтада бўяш. Тез-тез бўяш ҳам соч толаларига салбий таъсир ўтказади. Айниқса, соч бўёғи сифатсиз бўлса, уларни қуритиб юбориши мумкин.
Мойлардан фойдаланиш
Зайтун, кокос, бодом ёғи — қандай бўлишидан қатъи назар барча мойлар фойдали. Илдизларни тоза қолдириб, ёғни бутун узунлик бўйлаб қўллаш мумкин. Сўнгра сочларни ўраб, камида бир соат ушлаб туриш керак. Буни ҳафтада бир марта амалга ошириш ва натижасини кўриш мумкин.
Нам сочларни тарамаслик
Бу сочлар учун энг зарарли жараён. Уларни аввал табиий қуритиш ёки салқин ҳаво билан қуритгандан кейингина тараш мумкин.
Ҳовузларда чўмилмаслик
Ҳовуздаги сув кимёвий моддалар билан жуда тўйинган. Шунинг учун ҳовуздаги сувда сочларни ҳўл бўлиши зарарли. Агар бунинг имкони бўлмаса, бошга қалин резина қалпоқ кийиш тавсия этилади.
Сочларни ичимлик суви билан ювиш
Бу жуда қимматга тушса-да, аммо самарали: агар фильтрланган сувдан фойдаланилса, сочларингиз юмшоқ ва ёрқинроқ бўлади.
Йиғиш ва ўраш
Кийим кийиш вақтида сочлар йиғилган ёки ўралган бўлса, улар ушбу жараёнда камроқ шикастланади. Камроқ электрлаган сочларнинг гуллаши ҳам камаяди.
Изоҳ (0)