Япон иенаси ўтган кун давомида 2,5 фоизга тушиб, 1998 йил август ойидаги минимал даражага етди. Бу ҳақда «Коммерсантъ» хабар бермоқда.
Тошкент вақти билан соат 07:30 га келиб, валюта Токио фонд биржасида 1 доллар учун 143,73-143,74 иена курсида сотилмоқда. Нью-Йорк фонд биржасида курс 1 доллар учун 143,45 иенага тушди.
Япон банки ва Ғарб регуляторларининг асосий ставкаларидаги фарқ ортиб бораётгани фонида иена пасаймоқда.
Япония банки банкларнинг депозитлари бўйича қисқа муддатли фоиз ставкасини йиллик -0,1 фоиз даражасида ушлаб туради.
Ўн йиллик давлат облигациялари бўйича мақсадли даромадлилик ҳам нолга яқин.
Регуляторнинг фикрича, бу бозорларни рағбатлантиришга ва инфляция мақсадини 2 фоизга етказишга ёрдам беради.
Шу билан бирга, Ғарб регуляторлари инфляцияга қарши курашиш учун ставкаларни оширмоқда.
Аввалроқ Японияда инфляция 2,6 фоизга етиб, 2014 йилдан бери энг тез суръатда ўсаётгани ҳақида хабар берилган эди.
Изоҳ (0)