Ижтимоий тармоқларда Тошкент вилояти Янгийўл шаҳрида таг қисми бетонлаб ташланган дарахтлар тасвири акс этган хабар тарқалди. Давлат экология қўмитаси ҳолатга муносабат билдирди.
Қайд этилишича, ҳолат юзасидан Янгийўл шаҳар экология бўлими ходимлари ўрганиш ишларини олиб борган. Ўрганишлар давомида мазкур ҳудуддаги дарахтларнинг ост қисми бундан бир неча кун олдин бетонлаб ташлангани аниқланган.
Фото: Давлат экология қўмитаси
Дарахтларнинг ост қисми бетонлардан тозаланиб, унумдор тупроқ тўкилган ва суғорилган. Бундай ҳолатлар қайта содир этилмаслиги учун яшовчилар ўртасида тушунтириш ишлари олиб борилган.
Изоҳ (0)