Тошкент шаҳри Миробод туманида жойлашган ресторанда ёнғин содир бўлди. Ҳолат юзасидан Фавқулодда вазиятлар вазирлиги маълумот берди.
Қайд этилишича, 7 сентябрь куни соат 17:31 да Миробод тумани Шаҳрисабз кўчасида жойлашган «Брассериэ» ресторанида ёнғин содир бўлаётгани тўғрисида шаҳар ФВБга хабар келиб тушган. Шунга кўра 4 та ёнғин-қутқарув экипажи соат 17:40 да воқеа жойига етиб борган ва ёнғин соат 17:51 да бартараф этилган.
Ёнғин оқибатида ресторан ошхонасининг тахминан 50 квадрат метр майдонда томи ва шифт қисми ёниб зарарланган. Ёнғиндан бинонинг 200 квадрат метр майдони сақлаб қолинган. Ҳодиса оқибатида тан жароҳати олиш ва ҳалок бўлиш холатлари қайд этилмади. Ҳозирда ёнғинни келиб чиқиш сабаби ва моддий зарар миқдори аниқланмоқда.
Изоҳ (0)