Прогнозлаштириш ва макроиқтисодий тадқиқотлар институти (PMTI) экспертлари асосий истеъмол товарлари нархининг охирги 5 йилда ўзгаришини аҳоли фаровонлигига таъсирини таҳлил қилди.
Куни кеча Олий ва ўрта махсус таълим вазирлиги олий таълим муассасаларида шартнома пули жорий ўқув йилида ҳам ошмаслигини эълон қилди. Охирги йилларда нархлар стабиллиги шу жумладан жамоат транспорти, газ, электр энергияси каби бошқа соҳаларда ҳам кузатилмоқда, — дейилади таҳлилда.
PMTI томонидан асосий истеъмол товарлари нархи ўсиш динамикаси ва Ўзбекистондаги ўртача иш ҳақи ўзгаришига нисбатан солиштирилган.
Натижалар аҳолининг асосий қисми учун бензин, пропан, гўшт нархи ошгани сезилганини кўрсатди. Аҳоли даромадлари бу товар турларига қараганда секинроқ ўсган.
Бошқа томондан эса, электр энергияси, газ, пахта ёғи, 1-нав буғдой уни, ҳаво транспорти ва темир йўл транспорти, олий таълим (университет) шартнома пули, мактабгача таълим муассасалари (боғча) тўлов нархлари стабиллигининг сақланганлиги аҳоли харид қобилиятига ижобий таъсир қилган.
Қайд этилишича, энергия, транспорт ва коммуникация хизматлари нархлари давлат томонидан тартибга солинади.
Давлат статистика қўмитасининг маълум қилишича, 1 сентябрь ҳолатига кўра, йил бошидан буён инфляция даражаси 6,98 фоизни ташкил этган. Марказий банк 2022 йилда инфляция 12 фоиздан бироз юқори бўлишини кутмоқда.
Изоҳ (0)