Фарғона вилояти Қўқон шаҳрида гиёҳвандлик воситаларни ёнида сақлаган шахс қўлга тушди. Бу ҳақда Ички ишлар вазирлиги хабар қилди.
Қайд этилишича, 15 август куни шаҳар ИИБ ходимлари томонидан тезкор тадбир ўтказилган. Тадбир давомида Хўқандий мавзесида жойлашган ошхона олдида К.У. ўзини шубҳали тарзда тутгани учун ёни холислар иштирокида кўздан кечирилган.
Натижада гашиш гиёҳвандлик моддасини сақлаб келаётгани аниқланиб, далилий ашё тариқасида олинган.
Ҳолат юзасидан Жиноят кодексининг 276-моддаси (гиёвандлик воситалари, уларнинг аналоглари ёки психотроп моддаларни ўтказиш мақсадини кўзламай қонунга хилоф равишда тайёрлаш, эгаллаш, сақлаш ва бошқа ҳаракатлар) 1-қисми билан жиноят иши қўзғатилиб, тергов ҳаракатлари олиб борилмоқда.
Эслатиб ўтамиз, ушбу жиноятни содир этган шахс 3 йилгача озодликдан маҳрум қилиш билан жазоланиши мумкин.
Изоҳ (0)