Сирдарё вилоят Ховос туманида хонадонида яшаш хонадонида тақиқланган гиёҳванд моддаларни сақлаб келган шахс ушланди. Бу ҳақда вилоят Ички ишлар бошқармаси хабар қилди.
Қайд этилишича, ИИБ Жиноят қидирув бошқармаси Гиёҳвандлик воситаларини қонунга хилоф равишда муомала қилишга қарши курашиш бўлими тезкор ходимлари томонидан Ховос тумани ҳудудида «Қора дори-2022» кенг қамровли профилактик-тезкор тадбири ўтказилган. Тадбир давомида «Истиқлол» маҳалласидаги хонадонлардан бири холислар иштирокида кўздан кечирилган.
Натижада хонадон томорқасида 2,5 квадрат метр майдонда 2 туп узунлиги 2-2,5 метр бўлган наша гиёҳвандлик ўсимликлари, агро техник ишлов берилган ҳолатда ўсиб тургани аниқланиб, ашёвий далил сифатида олинган.
Шундан сўнг, тезкор тадбир давом эттирилиб, хонадон қўшимча хўжалик хоналари холислар иштирокида текширилган. Унда хонадон омборхонаси ва устахонасида 4 дона 3 литр ҳажмдаги, 1 дона 2 литр ҳажмдаги ва 2 дона 1 литр ҳажмдаги шиша идишларда, 2 дона гугурт қутиларга, мато устида марихуана гиёҳвандлик воситасига ўхшаш воситалари, наша гиёҳванд ўсимлигига ўхшаш ўсимлик поялари, 2 дона қирқилган гиёҳвандлик восити истеъмол қилишда фойдаланилган елим идишлар ҳамда уйнинг меҳмонхонаси шкафидаги эркаклар костюми чўнтагидан қоғоз бўлагига ўралган, гиёҳвандлик воситаси истеъмол қилишда фойдаланилган деб гумон қилинган қўлбола усулда ясалган мослама (муштук) борлиги аниқланган. Буюмлар ашёвий далил сифатида олинган.
Олиб борилган терговга қадар текширув жараёнида ушбу хонадонда яшовчи А.Б наша гиёҳвандлик ўсимликларига ўхшаш ўсимликларни экиб, парваришлаб ҳамда хонадонида марихуана гиёҳвандлик воситасига ўхшаш воситаларни сақлаб келгани аниқланган.
Тезкор тадбир жараёнида А.Б.нинг томорқасида 2 туп наша ўсимлиги ва 3 килограмм 314 грамм марихуана гиёҳвандлик воситаси ашёвий далил сифатида олинган.
Ҳолат юзасидан А.Б.га нисбатан Ховос туман ИИБ тергов бўлими томонидан Жиноят кодексининг 276-моддаси (гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзламай қонунга хилоф равишда тайёрлаш, эгаллаш, сақлаш ва бошқа ҳаракатлар) 2-қисми билан жиноят иши қўзғатилган. Ҳозирда тергов ҳаракатлари олиб борилмоқда.
Изоҳ (0)