УЕФА Чемпионлар Лигаси 2022/23 йилги мавсум гуруҳ босқичида бирорта турк клуби иштирок этмайди.
Туркия вице-чемпиони «Фенербаҳче» иккинчи саралаш босқичида Киевнинг «Динамо»сига мағлуб бўлди. Украиналиклар 0:0 ҳисобидаги дурангдан сўнг Истамбулда 2:1 ҳисобида ғалаба қозонди. Қўшимча дақиқаларда ҳал қилувчи голни Киев жамоаси ҳимоячиси Александр Караваев урди.
Мамлакат чемпиони «Трабзонспор» гуруҳ босқичига чиқиши учун саралаш плей-оффидан ўтиши керак эди. Рақиби «Копенгаген» бўлган Туркия жамоаси Дания пойтахтида 1:2 ҳисобида мағлуб бўлди, жавоб ўйинида эса жамоалар нурсиз дуранг қайд этди.
Сўнгги бор 1995/96 йилги мавсум Чемпионлар Лигаси гуруҳ босқичида бирорта Туркия клуби иштирок этмаганди. 1995 йил август ойида Туркия чемпиони «Бешиктош» Норвегиянинг «Русенборг» жамоасига икки ўйинда ҳам мағлуб бўлиб, ЕЧЛ саралашидан ўта олмаганди.
Қизиқарлиси, 2022/23 йилги Чемпионлар Лигаси финали Истамбулда бўлиб ўтади. Ҳал қилувчи ўйин 10 июнь санасига белгиланган. Учрашув «Отатурк Олимпия Стадиони»да ўтказилади.
Изоҳ (0)