Сирдарё вилоятининг Оқолтин туманида Isuzu автобуси газ баллони портлашидан 6 киши ҳалок бўлиб, 15 киши тан жароҳати олганди. Ҳолат юзасидан жиноят иши қўзғатилди.
Бош прокуратура матбуот котиби Ҳаёт Шамсутдиновнинг маълум қилишича, Жиноят кодексининг 262-моддаси (транспортни таъмирлаш ёки уни фойдаланишга чиқариш қоидаларини бузиш) 3-қисми «а» банди билан жиноят иши қўзғатилди.
Эслатиб ўтамиз , воқеа 18 август куни тахминан соат 14:30 ларда туман ҳудудида жойлашган автомобилларга газ тўлдириш шохобчасида содир бўлган. Хоразм вилояти Боғот туманидаги автомактабга тегишли бўлган Isuzu автобус метан газ тўлдириб чиққан вақтда унга ўрнатилган газ баллонларининг бири портлаган.
Изоҳ (0)