Туризм ва маданий мерос вазирлиги ҳамда Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликларига 2022 йил 1 сентябрга қадар республикадаги муқаддас қадамжолар ва зиёратгоҳларнинг рўйхатини шакллантириш ва «Uzbekistan.травел» ягона миллий туристик ахборот порталига жойлаштириш вазифалари юклатилди. Бу ҳақда Туризм ва маданий мерос вазирлиги хабар қилди.
Маълум қилинишича, бу Ўзбекистон Республикаси президентининг 2022 йил 30 апрелдаги «Ички туризм хизматларини диверсификация қилишга оид қўшимча чора-тадбирлар тўғрисида»ги қарорида алоҳида қайд этилган.
Шунга асосан, республика ҳудудларининг «чорловчи нуқта»си сифатида туризм йўналишларига киритиш юзасидан республикадаги муқаддас қадамжолар ва зиёратгоҳларнинг рўйхати шакллантирилиб, зиёратгоҳлар номи, объектнинг ташқи томондан кўриниши акс этган суратлари, манзили ҳамда объект тўғрисида қисқача маълумотлари «Uzbekistan.травел» ягона миллий туристик ахборот порталига жойлаштирилди.
Изоҳ (0)