Қашқадарёда «Чордангитепа» археологик ёдгорлигининг бир қисми бузилиб, уй-жой қуриб юборилгани аниқланди

Қашқадарё вилояти Яккабоғ туманида жойлашган Х—XII асрларга оид «Чордангитепа» археология ёдгорлигининг бир қисми фуқаро М.Ф. томонидан бузиб ташлангани аниқланди. Бу ҳақда Бош прокуратура хабар қилди.

Қайд этилишича, ёдгорлик ўрнида уй-жой қуриб юборилган ва давлат манфаатларига 315 миллион сўмлик зарар етказилган.

Бундан ташқари, Самарқанд туманидаги VI—VII асрларга оид «Номсизтепа» археология ёдгорлиги бир қисми номаълум шахслар томонидан бузилган. Оқибатда давлат манфаатларига 1,5 миллиард сўмлик жуда кўп миқдорда зарар етказилган.