Ўзбекистонда буюк саркарда ва атоқли давлат арбоби, стратег Амир Темур ҳақида анимацион фильм яратишга тайёргарлик бошланди, деб хабар бермоқда Кинематография агентлиги.
Қайд этилишича, Ўзбекистонда Миллий кинематографияни ривожлантириш маркази «Ренессанс» устида иш олиб бормоқда.
Лойиҳада биринчи ва иккинчи ренессанс давридаги аждодлар ҳақида 30 та анимацион фильм ишлаб чиқариш кўзда тутилган. Айни дамда ижодий гуруҳ Амир Темур сиймосига бағишланган анимацион фильм устида иш олиб бормоқда.
Жамоага режиссёр Одил Маҳамадов раҳбарлик қилмоқда. Аниматорлар Зебо Саидазимова, Санобар Эркинова, Фирдавс Нўмонов, Моҳира Мирзаева. Сценарий муаллифи – Тўлқин Ҳайит, постановкачи рассом – Дониёр Абдувоситов.
Изоҳ (0)