Тошкент вилояти Қибрай туманида тўхтатилган Damas автомобилида гиёҳванд модда борлиги аниқланди. Бу ҳақда вилоят йўл ҳаракати хавфсизлиги бошқармаси ахборот хизмати хабар берди.
Қайд этилишича, Қибрай туманида хизмат олиб бораётган ЙПХ инспектори томонидан 1987 йилда туғилган С.С. бошқарувида бўлган Damas текшириш учун тўхтатилган. Ҳайдовчининг хатти-ҳаракати шубҳали бўлгани боис тегишли тартибда кўздан кечирилганда унинг ёнида 26,13 грамм марихуана (экспертиза хулосаси) гиёҳвандлик моддаси борлиги аниқланган.
Ҳолат юзасидан фуқаро С.С.га нисбатан Жиноят кодексининг 276-моддаси (гиёҳвандлик воситалари, уларнинг аналоглари ёки психотроп моддаларни ўтказиш мақсадини кўзламай қонунга хилоф равишда тайёрлаш, эгаллаш, сақлаш ва бошқа ҳаракатлар) 1-қисми билан жиноят иши қўзғатилиб, тергов ҳаракатлари олиб борилмоқда.
Изоҳ (0)