Улуғнор туманида кучли таъсир қилувчи дори воситаларини муомалага киритилишининг олди олинди.
Бош прокуратура ҳузуридаги департаментнинг Улуғнор туман бўлими томонидан ўтказилган тезкор тадбирда, фуқаро Р.А. ва бошқалар ўзаро тил бириктириб, таркибида кучли таъсир қилувчи моддалар мавжуд бўлган 840 дона «Илко регапен» ва 140 дона «Тропикамид» номли дори воситаларини фуқаро С.га 20,6 млн сўмга сотган вақтида ушланиб, жами 2 772 дона «Илко регапен» ҳамда 145 дона «Тропикамид» номли дори воситалари борлиги аниқланиб, ашёвий далил сифатида олинган.
Мазкур ҳолат юзасидан Жиноят кодексининг 251-1-моддаси (кучли таъсир қилувчи ёки заҳарли моддаларни қонунга хилоф равишда муомалага киритиш) билан жиноят иши қўзғатилиб, тергов ҳаракатлари ўтказилмоқда.
Изоҳ (0)