Ўзбекистонда терроризмда айбланиб, 7 йилдан бери қидирувда бўлган фуқаро Туркияда қўлга олинди

Ўзбекистонда 2015 йилдан бери қидирувга берилган фуқаро Туркияда қўлга олинди. Бу ҳақда Бухоро вилояти ИИБ матбуот хизмати хабар берди.

Маълум қилинишича, вилоятнинг Ромитан тумани «Хоса» маҳалласида рўйхатда туриб яшаган Э.Ҳ. (1977 йилда туғилган) Ўзбекистон Жиноят кодексининг бир неча моддалари: 155-моддаси (терроризм) 1-қисми, 156-моддаси (миллий, ирқий, этник ёки диний адоват қўзғатиш) 3-қисми, 159-моддаси (Ўзбекистон Республикасининг конституциявий тузумига тажовуз қилиш) 3-қисми, 244-1-моддаси (жамоат хавфсизлиги ва жамоат тартибига таҳдид соладиган материалларни тайёрлаш, сақлаш, тарқатиш ёки намойиш этиш) 3-қисми, 244-2-моддаси (диний экстремистик, сепаратистик, фундаменталистик ёки бошқа тақиқланган ташкилотлар тузиш, уларга раҳбарлик қилиш, уларда иштирок этиш) 1-қисмида кўрсатилган жиноятларни содир этганликда айбланиб, 2015 йилдан бери қидирувга берилган.

Бухоро вилояти ҳуқуқни муҳофаза қилувчи органлар ходимларининг ҳамкорликдаги «Қидирув» махсус тезкор профилактик тадбири давомида у Туркияда яшириниб юргани аниқланган ва Туркия ҳуқуқни муҳофаза қилиш органлари ходимлари томонидан ўтказилган махсус операция давомида ушланган.

Шундан сўнг фуқаро Ўзбекистонга экстрадиция қилинган тергов ҳибсхонасига жойлаштирилган.

Мавзуга доир:

• Польша зўрлаганликда айбланаётган эркакни Ўзбекистонга экстрадиция қилди
• Ўзбекистонда ўта оғир жинояти учун 20 йилдан буён қидирувда бўлган аёл Қозоғистонда ушланди
• Қирғизистон «Ҳизб ут-Таҳрир» экстремистик ташкилоти етакчисини Ўзбекистонга экстрадиция қилди