2022 йил 21 майдан 20 июлгача бўлган даврда Ўзбекистон жами 39,4 млн долларлик 40,6 минг тонна шафтоли ва нектарин экспорт қилган. Бу ҳақда EastFruit хабар бермоқда.
Бу ўтган уч йилнинг шу даврига нисбатан ҳам ҳажм, ҳам экспорт тушумлари бўйича камида 1,5 баробар кўпдир.
Экспортнинг жадал ўсиши биринчи навбатда паст нарх билан боғлиқ — у ўтган йилга нисбатан 10-15 фоизга паст, чунки бу йил жуда кўп кичик ўлчамли нектарин (диаметри 40), боғдан 0,40 еврога сотилган.
Ўзбекистон экспортининг 99 фоизи Евросиё иқтисодий иттифоқи мамлакатлари бозорларига йўналтирилгани сабабли, кичик калибрли, аммо арзон нектарин стандартларни пасайтирди ва минтақадаги бошқа экспорт қилувчи мамлакатларда харид нархларининг пасайишига олиб келди.
Бу, айниқса, асосий бозори Россия бўлган Грузия, Сербия ва Туркия ишлаб чиқарувчиларида ўз аксини топди. Агар Грузия шафтоли ва нектариннинг қарийб 80 фоизини Россияга экспорт қилса, Туркия ўз маҳсулотининг 90 фоиздан ортиғини ишлаб чиқаради.
Шу сабабдан сўнгги ҳафтада Грузиядан шафтоли ва нектарин экспорти тўхтатилди.
Жорий ҳафтада грузин шафтолининг улгуржи нархлари ҳар бир килограмм учун 0,35-0,37 доллар, нектарин нархи эса нави ва сифатига қараб бир килограмми 0,55-0,75 долларгача тушди.
Изоҳ (0)