Франция футбол федерацияси Кристоф Гальтьенинг «ПСЖ» билан шартномасини тасдиқламади.
Бунга УЕФА Про лицензияси билан боғлиқ муаммо сабаб бўлган.
55 ёшли мутахассис июль ойида Париж клубини қабул қилиб олган эди. Мураббий ундан олдин «Ницца»да фаолият олиб борган.
«Кристоф Гальтье миллий техник директорга таълим олиш мажбурияти ҳақида мурожаат қилиши керак», — дея футбол ўқитувчилари ва мураббийлари комиссияси йиғилиши баённомасидан иқтибос келтиради L’Equipe нашри.
Мураббий Про лицензиясини олиши ва уни ҳар 3 йилда янгилаб туриши лозим бўлади.
Энди Гальтье имкон қадар тезроқ талабларни бажариш бўйича ёзма мурожаат билан федерацияга мурожаат қилиши керак бўлади.
Хабарга кўра, Франциядаги бошқа профессионал клубларнинг барча мураббийлари орасида Лига 2 вакили «Сошо» жамоаси ёрдамчи мураббийи Жером Монеда ҳам худди шундай қарз мавжуд.
Изоҳ (0)