Ўзбекистонда талабаларнинг олий таълим ташкилотлари ҳудудидаги меҳнатини рағбатлантирилади. Бу ҳақда Давлат солиқ қўмитаси хабар бермоқда.
Бундай норма 2022 йилнинг 26 июлидан бошлаб амал қилади.
Қандай фаолият турлари рағбатлантирилади?
Олий таълим ташкилотлари ҳудудида қуйидаги фаолият турлари ташкил этилган рағбатлантирилади:
- пуллик ўқув курслари;
- спорт тўгараклари;
- бошқа таълим хизматлари.
Талабаларнинг ушбу фаолият турларидан олган даромадлари жисмоний шахслардан олинадиган даромад солиғидан озод қилинади.
Масалан, талаба ўзи ўқиётган университет ҳудудида спорт тўгараги ташкил қилди ва 5 млн сўм ишлаб топди. 5 млн сўмнинг ҳаммаси — бу талабанинг даромади ва ушбу суммадан солиқ тўланмайди.
Имтиёздан қандай фойдаланса бўлади?
Бунинг учун талаба қуйидаги тарзда ўзини ўзи банд қилган шахс сифатида рўйхатдан ўтиши керак:
- Солиқ мобил илова /iOS орқали;
- солиқ тўловчининг шахсий кабинети орқали;
- солиқ хизматида.
Рўйхатдан ўтиш учун нималар керак бўлади?
Қуйидагиларни кўрсатган ҳолда сўровномани тўлдириш:
- ЖШШИР;
- амалга оширмоқчи бўлган фаолият тури;
- меҳнат фаолиятини амалга ошириш назарда тутилган манзил;
- мобил телефон рақами.
ФИШ, паспорт ёки ID-картаси маълумотлари, яшаш жойи ДСҚ ва ИИВ маълумотлар базасидаги маълумотлар асосида автоматик тарзда шакллантирилади.
Изоҳ (0)