Жорий мавсумда Ўзбекистондан қовун экспорти май ойининг ўрталарида – ўтган йилга нисбатан қарийб бир ҳафта эрта бошланди. Бу ҳақда EastFruit хабар бермоқда.
Таҳлилчиларнинг хабар беришича, мавсум бошидан буён сўнгги 2,5 ой ичида экспорт ҳажми 2021 йилнинг худди шу даврига нисбатан икки баравар кўпайиб, камида охирги беш йил давомидаги рекордни ўрнатди.
Дастлабки расмий статистик маълумотларга кўра, 2022 йилнинг май июль ойларида Ўзбекистон жами 9,1 млн долларлик 21,9 минг тонна полиз экинларини экспорт қилган, бу 2021 йилнинг шу даврига нисбатан 2 баробар, 2018-2020 йилларнинг шу даврига нисбатан 3 баробар кўпдир.
Ўтган йилнинг май—июль ойларидаги аввалги рекорд кўрсаткич қайд этилган. Ўзбекистондан қовун экспорти ҳажми кетма-кет тўртинчи йил ўсиб бормоқда.
Экспорт географиясига келсак, 2022 йилнинг май—июль ойларида ушбу маҳсулотларнинг катта қисми Европа мамлакатлари бозорларига жўнатилди, уларнинг умумий улуши 19,4 минг тоннани ёки умумий экспорт ҳажмининг 88,6 фоизини ташкил қилади.
Умуман олганда, Ўзбекистондан полиз маҳсулотларини экспорт қилиш мавсуми 9 ойгача давом этади: май ойининг иккинчи ярмидан кейинги йилнинг январь ёки февралигача.
Бироқ ташқи бозорларга фаол жўнатиш даври июндан ноябргача бўлиб, ушбу олти ойнинг умумий улуши бутун мавсум учун умумий экспорт ҳажмининг 95 фоиздан ортиғини ташкил қилади.
Изоҳ (0)