4 август куни Англия банки АҚШ Федерал захира тизими ва Европа Марказий банкидан сўнг фоиз ставкасини бирданига 50 та базавий пунктга, йилига 1,75 фоизга кўтарди. Бу ҳақда «Коммерсантъ» хабар бермоқда. 

Бу сўнгги 27 йил ичида кўрсаткичнинг энг сезиларли ўсиши бўлди. Шу тарзда регулятор инфляцияни жиловлашга ҳаракат қилмоқда, янги прогнозга кўра, тўртинчи чоракда нархлар ўсиши 13,1 фоизгача тезлашади. 

Британия иқтисодиётининг яқинлашиб келаётган рецессияси фонида ставка кўтарилди — Англия банки жорий йилнинг сўнгги чорагида рецессия бошланишини ва 2023 йилда давом этишини кутмоқда.

Июнь ойида Буюк Британияда газ нархининг тезлашиши фонида йиллик инфляция аллақачон 9,4 фоизга етди. 

Икки ҳафта олдин Англия банки раҳбари Эндрю Бэйли регулятор қатъий ҳаракат қилишини айтган эди.

Англия Марказий банки ставка билан биргаликда 4 августда инфляция прогнозини оширди — бу кўрсаткич 2022 йилнинг тўртинчи чорагида 13,1 фоизни ташкил этади. 

Нархларнинг кейинги ўсиши секинлашиши ва 2023 йилда 5,5 фоизни ташкил қилиши кутилмоқда. 

Икки йил ичида у 2 фоиз мақсадли даражага тушади — Англия банки ўз прогнозига кўра, инфляция босими жаҳон товарлари нархларининг барқарорлашуви фонида аста-секин заифлашади.