АОКАда ўтказилган брифингда Мактабгача таълим вазирлиги ахборот хизмати раҳбари Мавлуда Асқархўжаева соҳада тиббий ёрдам бериш бўйича амалга оширилган ишлар ҳақида маълумот берди.
Маълум қилинишича, сўнгги 6 кун ичида мактабгача таълим тизимида 3 та ўлим ҳолати қайд этилган. Учала боланинг ота-онаси ҳам боланинг касаллигини билган ҳолда бола соғломлиги ҳақидаги тиббиёт варақасини МТТга тақдим этган.
Бундай ҳолатларнинг олдини олиш юзасидан МТВ томонидан педагог тарбиячиларнинг ҳам биринчи тиббий ёрдам бериши учун махсус дастур ишлаб чиқилмоқда.
Шунингдек, мактабгача таълим тизимида тиббий хизматни сифатли ташкил этиш мақсадида МТВ, Тошкент педиатрия тиббиёт институти, Тошкент врачлар малакасини ошириш институти ҳамда ЮНИСЕФ кўмагида тизимда ишлаётган ҳамширалар малакасини ошириш учун махсус видеоматериаллар орқали намойиш этиб берадиган электрон платформа ишлаб чиқилган. Айни дамда МТВ тизимида 8612 та ҳамшира фаолият юритади, улардан 26 таси олий маълумотли ҳисобланади.
Охирги 5 йил давомида малака оширган (2018—2022 йиллар) МТТ ҳамшираларининг сони республика бўйича 3467 ташкил этган. Бу мактабгача таълим ташкилотларида фаолият кўрсатаётган ҳамшираларнинг умумий сонига нисбатан 40,2 фоизи ташкил этади. Қолган 5145 (59,8 фоиз) нафари 5 йилда малака оширмаган.
Изоҳ (0)