Тошкент шаҳар Ички ишлар бош бошқармаси Юнусобод туман ИИБ ходими, профилактика инспектори Ҳ.О.қашқадарёлик 20 ёшли қизнинг номусига теккани айтилмоқда. Бу ҳақда «Дарё»га мурожаат қилган жабрдийда У.Х. маълум қилди.
Маълум бўлишича, воқеа 2021 йилнинг август ойида қизнинг Тошкент шаҳрида вақтинча яшаб келган хонадонида содир бўлган.Тошкентга ўқишга кириш ниятида келгандим. Ўқишга киролмагач, оилавий шароитимизни инобатга олиб, ишлашга қарор қилдим ва 2021 йилнинг август ойидан Яшнобод туманидаги кафеда иш бошладим. Иш давомида кафе хўжайнининг «участкавой» бўлиб ишловчи ўғли билан танишиб қолдим. Кафе уларники бўлгани учун деярли ҳар куни Ҳ.О. билан учрашардик. Шундай кунларнинг бирида йигит менга севги изҳор қилиб, ишончимга кирди. Шу-шу яқин таниш бўлиб қолдик, — дейди мурожаатчи У.Х.
Номуси топталганини айтаётган қизнинг маълумот беришича, 2021 йилнинг август ойида ижарада бирга яшовчи қизлар уйда йўқ бўлган пайтда таниши, профилактика инспектори унинг ёнига келган.
26 ёшли «участкавой» танишим уйда ҳеч ким йўқлигидан фойдаланиб, мени зўрлади. Қаршилик кўрсатишимга қарамай, куч ишлатиб, номусимга тегди. Воқеадан сўнг бу ҳақда прокуратурага мурожаат қиламан деганимда, менга уйланишини айтди. Ва барча жавобгарликни зиммасига олди, — дейди воқеа ҳақида гапирган мурожаатчи.У.Х.нинг қўшимча қилишича, айни пайтда унинг ҳомиласи етти ойлик.
Ҳомилам етти ойлик бўлган бўлишига қарамасдан менинг мурожаатларим асоссиз ёпиб юборилмоқда. Менинг арз-додимга ҳеч ким эътибор бермаяпти, — дейди номуси топталганини айтган қиз.Мурожаатчи қариндошларидан бирининг айтишича, 26 ёшли профилактика инспектори қизнинг ижарада яшовчи уйига келиб, уйнинг хоҳишига қарши зўравонлик ишлатган.
Қариндош синглим бир куни менга қўнғироқ қилиб, маслаҳатли гапи борлигини айтиб, учрашайлик деди. Кўришдик, у ўша пайтда жуда ёмон ҳолатда эди. Синглимнинг кўзларида ёш бор эди. Нима бўлди десам, Яшнобод туманидаги кафеда ишлаётганини, кафе эгасининг ўғли уни зўрлаганини айтди. Энг ёмони зўравонлик қилган йигит Юнусобод туманида профилактика инспектори бўлиб ишлайди. Унга чора кўрилмаяпти, барча мурожаатларимиз ёпиб юборилган, — дейди мурожаатчининг қариндоши.«Дарё» билан мулоқотда бўлган профилактика инспектори мурожаатчи қиз гапини рад этмоқда.
Тан оламан, ҳақиқатан ҳам ўртамизда яқинлик бўлган. Фақат у ва менинг хоҳишим билан. Мен унга куч ишлатиб, зўравонлик қилганим йўқ. Қолаверса, мен ўша кунги воқеани видеога олганман. Ва бу ҳақда прокуратура суриштира бошлагач, уларга шу видеони тақдим қилдим. Видеода ҳолат ҳар икки томон хоҳишига кўра бўлгани кўринган. Шу боис ҳам унинг мурожаатлари қаноатлантирилмади, — дейди ИИБ ходими.Профилактика инспекторининг қўшимча қилишича, қизнинг дунёга келтириши кутилаётган фарзанди унга бегона.
Бу қиз мендан аввал ҳам мендан кейин ҳам бошқалар билан яқин муносабатда бўлганини етти нафар гувоҳим билан исботлаб бердим. Шу сабаб у дунёга келтириши кутилаётган фарзанд меники эканлигига ишонмайман, — дейди 26 ёшли ИИБ ходими.Ҳар икки томоннинг қўшимча қилишича, номуси топталганини айтган қизнинг прокуратурага қилинган мурожаати 2022 йилнинг май ойида ёпилган.
«Дарё» воқеалар ривожини кузатишда давом этади.
Изоҳ (0)