Ўзбекистонда турар ва нотурар жойларнинг маҳсулотлар ва хизматларнинг идентификация кодлари деталлаштирилди, деб хабар беради Давлат солиқ қўмитаси.
Қайд этилишича, энди турар ва нотурар жойлар реализация қилинганда электрон ҳисоб-фактураларда алоҳида МХИК билан акс эттирилади. Жумладан:
- кўп қаватли уйлар (квартиралар) учун – қурилишида ишлатилган хом-ашё (бетон, монолит, ғишт), хоналар сони ҳамда ҳолатидан келиб чиққан ҳолда алоҳида МХИКлар;
- нотурар объектлар учун (мактаб, боғча, шифохона ва бошқалар) фойдаланиш мақсадларидан келиб чиққан ҳолда алоҳида МХИКлар белгиланди.
Шунга асосан, деталлаштирилган турар ва нотурар жойларга тегишли асосий МХИКлар ҳамда аввал фойдаланишда бўлган 09801001005000000 (атрибутлари билан) ва 09801001999000000 МХИКлар нофаол ҳолатга ўтказилади.
Изоҳ (0)