2 август куни Олий Мажлис Сенатининг Хотин-қизлар ва гендер тенглик масалалари қўмитасининг мажлиси бўлиб ўтди. Бу ҳақда юқори палата ахборот хизмати хабар қилди.
Қайд этилишича, унда сенаторлар, қўмита ҳузуридаги эксперт гуруҳи аъзолари, халқ депутатлари маҳаллий Кенгашларнинг Ёшлар сиёсати, хотин-қизлар ва гендер тенглик масалалари бўйича доимий комиссиялари раислари, экспертлар, вазирлик ва идоралар масъуллари ҳамда оммавий ахборот воситалари вакиллари иштирок этган.
Мажлисда Сенатнинг навбатдаги ялпи мажлисида муҳокама қилиниши назарда тутилган масалалар дастлабки тарзда кўриб чиқилган. «Ўзбекистон Республикасининг Оила кодексига ўзгартиш ва қўшимчалар киритиш тўғрисида»ги қонун шулар жумласидан.
Ушбу қонунга кўра, никоҳни қайд этишнинг бир ойлик муддати ва уни қисқартириш учун асос бўлувчи ҳолатлар бекор қилинмоқда. Никоҳланувчи шахслар мажбурий тиббий кўрикдан ўтганларидан сўнг никоҳни расмийлаштириш тартибини белгилаш кўзда тутилмоқда.
Мажлисда кўрилган масалалар бўйича қўмитанинг тегишли қарорлари қабул қилинган.
Изоҳ (0)