Ижтимоий тармоқларда Тошкент метрополитенида 31 июль куни фуқаро эскалатордан йиқилиб тушгани ҳақида хабарлар тарқалди. «Тошкент метрополитени» давлат унитар корхонаси ҳолатга муносабат билдирди.
Қайд этилишича, шу куни «Юнус Ражабий» бекатидаги эскалатордан фойдаланаётган бир йўловчи эҳтиётсиз ҳаракати оқибатида йиқилган. Қолган йўловчилар уни ушлаб қолишган.
Бекатдаги эскалатор навбатчиси йўриқномага асосан эскалаторни ўчирган.
«Шу ўринда барча йўловчилардан эскалатордан фойдаланиш вақтида белгиланган тартиб-қоидаларга амал қилишларини сўраймиз», — дейилади хабарда.
Изоҳ (0)