Транспорт вазирининг буйруғи билан Темир йўл транспорти ҳамда метрополитенда ҳаракат ва ташишлар хавфсизлиги талабларининг бузилиши билан боғлиқ ҳодисаларни таснифлаш, хизмат текширувини олиб бориш ва ҳисобга олиш тартиби тўғрисидаги низом тасдиқланди, деб хабар бермоқда Norma.
Қуйидагилар темир йўл транспорти ва метрополитен ҳодисалари ҳисобланади:
- ҳаракатдаги поезднинг бошқа поезд билан тўқнашиши;
- темир йўл изидан чиқиши;
- поезднинг шикастланиши;
- инфратузилма ва (ёки) ташилаётган юкларга зарар етиши;
- фавқулодда вазиятлар ва бошқалар таъсирида келиб чиқиши мумкин бўлган ҳодисалар.
Низом билан темир йўл транспортида ҳаракат ва ташишлар хавфсизлиги талабларининг бузилиши билан боғлиқ ҳодисалар таснифлари, шунингдек, хизмат текшируви олиб бориш, унинг натижаларини расмийлаштириш, ҳаракат ва ташишлар хавфсизлиги бузилишларини ҳисобга олиш тартиби белгиланди.
Изоҳ (0)