Фарғонада 51 млн сўмлик парфюмерия товарлари ноқонуний олиб кетилаётганда тўхтатиб қолинди (фото)

Фарғона вилоятида 51 миллион сўмлик парфюмерия товарлари ноқонуний олиб кирилишига чек қўйилди. Бу ҳақда вилоят божхона бошқармаси ахборот хизмати хабар берди.

Қайд этилишича, бошқарманинг Контрабандага қарши курашиш бўлими ходимлари вилоят Миллий гвардия ходимлари билан ҳамкорликда олдиндан олинган маълумот асосида тезкор тадбир ўтказган. Тадбир давомида Водил—Тошлоқ йўналишида ҳаракатланаётган фуқаро Ф.Б. бошқарувидаги Damas кузатувга олиниб, Тошлоқ тумани ҳудудида тўхтатилиб, холислар иштирокида кўздан кечирилгсн.

Натижада автомашина салони ва юкхонасида хорижда ишлаб чиқарилган ва божхона расмийлаштирувидан ўтганини тасдиқловчи ҳужжатлари бўлмаган, дастлабки қиймати 51 миллион сўмдан зиёд 5 турдаги парфюмерия маҳсулоти борлиги аниқланган.

Мазкур ҳолат юзасидан божхона органлари томонидан суриштирув ҳаракатлари олиб борилмоқда.