«Манчестер Юнайтед» бош мураббийи Эрик тен Ҳаг жамоа ҳужумчиси Криштиану Роналду қачон АПЛ ўйинларига тайёр бўлиши ҳақидаги саволга жавоб қайтарди.
«Айни вақтда бу саволга жавоб бера олмайман. Ҳозирда у ‘Манчестер Юнайтедънинг бошқа ўйинчилари даражасида эмаслиги аниқ. Чунки жуда кўп ҳафтани ўтказиб юборди. Унга ўйинлар ва кўп машғулот керак», — дейди тен Ҳаг.
Роналду келажаги борасидаги ноаниқлик сабаб инглиз клубининг мавсумолди йиғинига ўз вақтида ташриф буюрмаганди. Аввалроқ Криштиану «Манчестер Юнайтед»нинг 31 июль куни «Райо Вальекано»га қарши кечадиган ўйинида майдонга тушиши маълум бўлганди.