Японияда гилоснинг Aomori Heartbeat нави 600 минг иенага сотилди. Бу 4 минг доллардан зиёдроқ нарх деганидир. Мазкур аукцион ҳақида The Asahi Shimbun нашри ҳаволасига асосланиб, «Focus.ua» хабар бермоқда.
Японияда бўлиб ўтган аукционда 15 дона гилосдан иборат қути учун 600 минг иенага (тахминан 4 минг долларга) сотилди. Шундай қилиб, бир дона гилос харидорга деярли 300 долларга (40 минг иенга) тушди.
Аомори префектураси фермерлари бундан уч йил аввал ўзлари бозорга чиқарган Aomori Heartbeat навини фаол сотишни бошлаган эди.
Жорий йилнинг биринчи аукционида бир дона гилос учун нарх рекорд даражага етди, бу ўтган йилги нархлардан 25 фоизга юқоридир. Жами 11 қути гилос сотилган.
Янги нав йирик мевалари (диаметри 2—2,5 сантиметргача), ёрқин қизил рангги, ширин-нордон таъми билан ажралиб туради.
Кимошди савдосида Juno Heart навли гилослар ҳам сотилди. «Юнон юраги» тўлдирилган қутиларни харидорлар бироз арзонроққа сотиб олишди: ҳар бир қути 150 минг иенадан (тахминан 1000 доллар) 15 минг иенагача (110 долларгача) харид қилинди.
Японияда бой таъмга эга, ташқи кўриниши чиройли мевалар жуда ҳам қадрланади. Бу бизнес-ҳамкорлар учун ажойиб совғадир.
Шу боис, уларнинг нархи мисли кўрилмаган даражада баланд бўлиши мумкин. Бундай меваларни, одатда, ёғоч қутиларга қадоқлашади ва улар учун элегант логотип қўлланади.
Изоҳ (0)