Россия газ етказиб беришни яна қисқартириши мумкинлиги ва глобал ёқилғи тақчиллиги сабаб Осиёда табиий газ нархлари ошиб бормоқда. Бу ҳақда Bloomberg хабар берди.
С&П Глобал маълумотларига кўра, Шимолий Осиёдаги суюлтирилган газ 22 июлда 12 фоизга ошди. Бу Украинада уруш бошланганидан бери энг юқори даража.
Нархлар янада кўтарилиши кутилмоқда, чунки бир қанча осиёлик импортёрлар йилнинг қолган қисмида газ экспортини йўлга қўйиш ниятида.
Япония ва Жанубий Кореядаги суюлтирилган газ харидорлари қишдан олдин захираларни тўлдириш учун экспортни таъминлаши керак. Бу орқали улар Европадаги рақобатчилардан устун туришни бошлайди.
Россия ҳукумати «Шимолий оқим» қувури орқали етказиб бериш ҳажми ҳозирги 40 фоиздан 20 фоизга тушиши мумкинлиги ҳақида огоҳлантирди.
Харидорлар Россиянинг Европага олиб борадиган энг йирик қувури бўлган «Шимолий оқим» орқали таъминот кафолатланганига ишончи комил эмас.
Шу туфайли осиёлик истеъмолчилар куз ва қишки таъминот учун спот харидларни тезлаштирмоқда.
Аввалроқ «Шимолий оқим» Европанинг газ инқирозида қандай муҳим аҳамиятга эгалиги маълум бўлганди.
Изоҳ (0)