Андижон вилояти Пахтаобод туманида яшовчи шахслар Қирғизистондан гашиш олиб келиб сотгани учун озодликдан маҳрум қилинди. Бу ҳақда вилоят судлари хабар берди.
Маълум бўлишича, П.И. ва С.Б. Қирғизистонда яшовчи номаълум шахслар билан жиноий тил бириктириб, бир гуруҳ бўлиб жиноий ишга қўл урган. 5300 доллар эвазига кўп миқдорни ташкил қилган жами 920,7 грамм гашиш гиёҳвандлик моддасини Қирғизистонда яшовчи номаълум шахсдан сотиб олган.
Сўнг унинг ёрдамида ушбу гиёҳвандлик моддасини қўшни давлат ҳудудидаги божхона назоратидан четлаб, контрабанда йўли билан Ўзбекистон ҳудудига айланма йўллар орқали олиб кирган. Улар гашишни холис харидорга 7500 долларга сотаётган пайтда қўлга олинган.
Жиноят кодексининг тегишли моддалари билан П.И. ва С.Б.нинг ҳар бири 10 йил-у, 6 ой муддатга озодликдан маҳрум қилинди.
Изоҳ (0)