Ўзбекистонда нотариусларга никоҳни рўйхатдан ўтказиш ҳуқуқи берилиши мумкин. Бу ҳақда Олий Мажлис Қонунчилик палатасидаги «Ҳукумат соати»да адлия вазири Русланбек Давлетов маълум қилди.
«Керак бўлса, шуни таклиф қилмоқчимизки, никоҳ тузиш ҳуқуқини нотариусларга ҳам бериш керак. Чунки нотариусларда ҳам жуда кучли юристлар бор, қийин ишдан ўтган, ҳаммасини тушунади. Улар икки томоннинг хоҳиш-иродасини тасдиқлаб, шаҳодатлай олади. Ҳеч қанақа муаммо йўқ» , — деди вазир.
Адлия вазири, шунингдек, ФҲДЁ органларида туғилиш, никоҳ, ўлим, фамилия ўзгартиришни ягона далолатнома асосида шакллантиришни йўлга қўйиш ҳам режалаштирилаётганини таъкидлади.
Изоҳ (0)