Шавкат Мирзиёевнинг 20 июль куни «Халқаро шартномани тасдиқлаш тўғрисида»ги қарори қабул қилинди. Бу ҳақда Адлия вазирлигининг Telegram’даги «Ҳуқуқий ахборот» каналида маълум қилинди.
Қарорга мувофиқ, 2019 йил 1 августда Минскда имзоланган Ўзбекистон ва Беларусь ҳукуматлари ўртасида инвестицияларни ўзаро рағбатлантириш ва ҳимоя қилиш тўғрисидаги битим тасдиқланди. Инвестициялар ва ташқи савдо вазирлиги мазкур шартномани амалга оширишга масъул этиб белгиланди.
Эслатиб ўтамиз, Беларусь президенти Лукашенко сентябрда Ўзбекистонга ташриф буюришни режалаштиргани маълум қилинганди. Ундан Шанхай ҳамкорлик ташкилоти (ШҲТ) саммитида иштирок этиш ҳамда Шавкат Мирзиёев билан икки томонлама учрашув ўтказиш ўрин олган.
Изоҳ (0)