Антарктида осмони ёрқин пушти рангга бўялди

Январь ойида 7 минг километр узоқликдаги сувости вулқонининг отилиши туфайли Антарктида осмони ёрқин пушти рангга айланди.

Осмонга катта ҳажмдаги аэрозоллар отилиб, улар бир неча ой давомида стратосфера орқали ҳаракат қилган.

Июль ойи бошида Антарктидада ишлаётган тадқиқотчилар ноодатий табиат ҳодисаси ҳақида хабар беришди. Одатда қишнинг ўртасида (жанубий яримшарда июль ойида қиш бўлади) қитъа деярли бутунлай қоронғи бўлади, аммо бу сафар осмон ёрқин пушти рангга кирди.

Олимларнинг фикрига кўра, бу таъсир қитъа устидаги стратосферада кўп миқдордаги аэрозоллар туфайли юзага келади. Қуёш уфққа яқин ёки орқада бўлганда улар ёруғликни тарқатади ва эгиб, пушти, кўк, бинафша ранг соялари билан порлашни келтириб чиқаради.