Расман: Усмон Дембеле «Барселона» билан шартномани узайтирди

Усмон Дембеле «Барселона»да қоладиган бўлди Бу ҳақида каталонияликлар расмий сайти маълум қилди.

Эркин агентга айланган француз «кўк-анорранглилар» билан 2024 йил 30 июнига қадар мўлжалланган шартнома имзолади.

Аввалроқ эркин агент мақомидаги футболчининг маоши янги шартномага кўра 40 фоизга камайиши хабар қилинганди.

Дембеле 2017 йилда «Барселона»га келиб қўшилган эди. 5 йил мобайнида Усмон 150 та ўйинда иштирок этиб, 32 та гол ва 34 та голли узатмага муаллифлик қилди. Каталонияликлар билан вингер икки марта Испания чемпионлиги ва Испания Кубогини қўлга киритди, бир марта мамлакат Кубогида зафар қучди.